Aдрес: 222811, Минская область,
г. Марьина Горка, ул. Ленинская, 47

Телефон: +375 (1713) 3-51-66

Факс: +375 (1713) 3-45-60

E-mail: isp@pukhovichi.minsk-region.by
(для деловой переписки)

12.08.2020

Рады тысячнікаў раёна папоўніліся новымі іменамі

Дырэктар Аляксандр Славікоўскі вішнуе Паўла Абакунчыка і Андрэя Максімчыка.

У гэтым годзе, здаецца, сама прырода дапамагае вяскоўцам убіраць ураджай збожжавых. Цёплыя сонечныя дні дазваляюць працаваць тэхніцы і людзям на збожжавых палетках, пакуль не выпадзе раса.

Для Андрэя Каралько, які працуе ў ААТ “Племянны завод “Індустрыя”, гэтае жніво асаблівае. Ён адзін самастойна працуе на камбайне “Лексіён-510”. І першым у раёне сярод маладых намалаціў тысячу тон збожжа. Некалькі сезонаў ён працаваў памочнікам на жніве ў свайго бацькі Руслана, які зараз працуе ў гаспадарцы галоўным інжынерам. І камбайн яму дастаўся ад бацькі. Хоць “Лексіён-510” ужо 14 сезонаў працуе на жніве, пакуль ні разу сур’ёзна не падвёў.

Андрэй Каралько з малодшым братам Аляксандрам.

Андрэю падабаецца праца на камбайне, асабліва — дух спаборніцтва. А раўняцца яму ёсць на каго. Сяргей Ляшчынскі — адзін з самых вопытных камбайнераў гаспадаркі, некалькі дзён таму пераадолеў тысячны рубеж. Хоць вопыту яшчэ ў Андрэя малавата, але працаздольнасць, мэтанакіраванасць і жаданне зрабіць як мага лепш і больш дазваляюць кожны дзень намалочваць па 140 тон зерня.

Для Паўла Абакунчыка, камбайнера СУП “Дукора-Агра”, гэта другое жніво ў гаспадарцы. Раней ён працаваў у Мінскім раёне. Разам з памочнікам Андрэем Максімчыкам яны таксама атрымалі першую жаданую тысячу.

Марыя Клімовіч віншуе Паўла Абакунчыка.

— У мінулым годзе ў час уборкі я намалаціў 2640 тон збожжа, — расказвае Павел Васільевіч. — Спадзяюся, што і ў гэтым годзе, разам з памочнікам, намалоцім не менш. Ураджай у гаспадарцы добры — 38 цэнтнераў з гектара, тэхніка падрыхтаваная, арганізавана гарачае харчаванне. Камбайны абсталяваны сцеблепад’ёмнікамі. Камбайнеры і вадзіцелі стараюцца хутчэй убраць вырашчаны ўраджай, пакуль стаіць такое цудоўнае надвор’е.

Камбайнер СГФ “Дрычын” Дзмітрый Рымашэўскі ўбірае хлеб дваццаты сезон. І трэці сезон у яго ў памочніках сын Уладзіслаў. Рымашэўскія першымі ў гаспадарцы намалацілі сваю тысячу тон зерня. Поспех гэты невыпадковы. Дзмітрый — вопытны камбайнер, з адказнасцю ставіцца да сваёй работы. Для яго сёння няма больш важнай задачы, чым хутчэў убраць вырашчаны ўраджай.

Усіх тысячнікаў з працоўнай перамогай на палях гаспадарак павіншавалі начальнік упраўлення па сельскай гаспадарцы і харчаванні райвыканкама Марыя Клімовіч, старшыня раённай арганізацыі прафсаюза работнікаў АПК Анастасія Арахоўская, кіраўнікі гаспадарак. Яны ўручылі ганаровыя граматы, грашовыя прэміі, падарункі і пажадалі плённай працы і новых поспехаў.

Дзмітрый Рымашэўскі.

Анастасія ГЛЕБАВА.

Прочитано 124 раз

© Пуховичский районный исполнительный комитет, 2008-2020
Увидели ошибку на сайте?
Пожалуйста, выделите текст с ошибкой
и нажмите ctrl + enter

Яндекс.Метрика
Разработка и поддержка сайта:
Группа компаний «ЦВР «ОКТЯБРЬСКИЙ»