3 ліпеня ў Мар’інай Горцы прайшлі святочныя мерапрыемствы
Увечары 3 ліпеня ў Мар’інай Горцы святочныя мерапрыемствы прайшлі ў парку імя Любы Гайдучонак. Была арганізавана работа гандлёвых кропак, працавалі дзіцячыя гульнёвыя зоны. Прыхільнікі здаровага ладу жыцця сустрэліся на спартыўных пляцоўках: прайшлі спаборніцтвы па армрэстлінгу, валейболу, тэнісу. Тры гадзіны доўжыўся святочны канцэрт “З любоўю да цябе, мая Беларусь!”. Свае музычныя віншаванні ўдзельнікам свята падрыхтавалі творчыя калектывы і выканаўцы раёна. Завяршыла святочную праграму акцыя “Спяваем гімн разам”.
Наталля ПАРХОМЧЫК.
Здымкі аўтара.