На мінулым тыдні старшыня раённага выканаўчага камітэта Віктар Каляда правёў «прамую тэлефонную лінію» з насельніцтвам і прыём грамадзян у Рудзенскім сельвыканкаме. Асноўныя пытанні, з якімі звярнуліся людзі да кіраўніка раёна, — стан дарог, будаўніцтва пешаходных дарожак, асвятленне вуліц.
Віктар Міхайлавіч у размове з жыхарамі пасёлка адзначыў, што ведае праблемы Рудзенска. Тут іх сапраўды шмат. Відаць, што раней пасёлку ўдзялялі мала ўвагі. Кіраўнік раёна паведаміў, што ў планах на наступны год пачаць добраўпарадкаванне пасёлка. Пачынаць трэба там, дзе больш ходзіць людзей, дзе ёсць небяспечныя для іх жыцця ўчасткі.
Двое жыхароў звярнуліся з жыллёвым пытаннем. У выніку пажара людзі засталіся без кватэры. Будаваць новы дом на месцы былога ў іх няма магчымасці. Віктар Міхайлавіч даручыў адпаведным службам разабрацца з праблемай. Пры неабходнасці дапамагчы людзям уладкавацца часова і растлумачыць, якія варыянты ў вырашэнні жыллёвай праблемы ёсць у перспектыве.
Вольга Лугавая.
