Папоўніў сваю калекцыю ўзнагарод Віталь Гараўскі з ААТ “Голацк”. Па выніках ворыва Віталь Пятровіч неаднаразова ўваходзіў у спіс перадавікоў раёна.
— На сяўбе разам са мной працавалі яшчэ два механізатары. Сёлета мы значна раней пачалі сеяць раннія яравыя культуры, раней і закончылі, — гаворыць Віталь Гараўскі. — Мой бацька калісьці працаваў у “Голацку”. Па яго прыкладзе і я прыйшоў у сельгаспрадпрыемства і працую тут ужо амаль дваццаць гадоў.
Працоўны стаж у сельскай гаспадарцы Уладзіміра Сарнацкага з ЭБ “Зазер’е” таксама перавышае два дзясяткі гадоў. На Пухавіччыну Уладзімір Мікалаевіч прыехаў дванаццаць гадоў таму з Гомельскай вобласці, на малой радзіме таксама працаваў на зямлі.
Такіх работнікаў, як Уладзімір Сарнацкі, называюць універсальнымі. Трактарыст-машыніст выдатна працуе на рознай тэхніцы. Сяўба, падрыхтоўка глебы, нарыхтоўка кармоў, уборка збожжавых культур — механізатару давяраюць усе віды работ. У якасці старшага камбайнера Уладзімір Сарнацкі пастаянна ўваходзіць у спіс тысячнікаў раёна.
— Задача прафсаюзаў — падтрымаць людзей і заахвоціць іх падчас напружанага перыяду вясенніх палявых работ, — падкрэсліў Пётр Окунеў. — Пухавіччына славіцца працавітымі людзьмі. Сезон працягваецца, і я ўпэўнены, што яшчэ не раз сустрэнемся з вашымі механізатарамі на палях.
Пакуль у спісе перадавікоў раёна на вясенне-палявых работах механізатары ААТ “Голацк” Сяргей Валенда, Міхаіл Пратасавіцкі і моцная каманда ААТ “Агра-Абярэг” у складе Фёдара Хадыкі, Уладзіміра Міхалені, Мікалая Ляпёшкі і Васіля Брандта.
Кацярына ВЕРНІКОЎСКАЯ.