Аксамітны купальскі вечар
Рукі ціха кладзе на плечы:
Запрашае кветку шукаць,
Таямніцу-красу здабываць.
Запрашаем гасцей гуляць
I купальскія песні спяваць…
7 ліпеня адзначаецца самае загадкавае свята - Дзень Івана Купала. І адным з самых таямнічых яго рытуалаў з’яўляецца пошук чароўнай кветкі, якая можа выканаць любое жаданне, падарыць неўміручасць і адкрыць скарбы свету. Гэтае народнае свята мае вельмі старажытную гісторыю, і адзначаецца ва ўсіх славянскіх народаў.
Загадчыца Талькаўскай сельскай бібліятэкай-клубам падрыхтавала для жыхароў в. Талька свята «Як шукалі ўлетку папараць-кветку». Прысутныя пагрузіліся ў гісторыю свята, традыцыі і і звычаі яго правядзення: абліванне вадой, пляценне вянкоў з кветак і траў, пошук чароўнай кветкі папараці, павязванне стужачак на дрэвах, карагоды. Кожны мог паўдзельнічаць у конкурсе на лепшы Купальскі вянок. Усіх парадавала выступленне гасцей з Навасёлкаўскага СДК свята - народнага калектыву «Навасёлачка». Усе ўдзельнікі і госці атрымалі масу прыемных уражанняў і зарад добрага настрою. Завяршылася свята дыскатэкай.
