Для нас беларусаў роднай мовай з’яўляецца беларуская. У ёй захавана гісторыя нашага народа, сіла і прыгажосць народнага мастацкага слова. Беларуская мова – сакавітая, меладычная і пяшчотная.
Супрацоўнікі Дружненскай пасялковай бібліятэкі сумесна з бібліятэкай СШ № 1 п. Дружны правялі для вучняў 5 – 11 класаў гадзіну беларускамоўнасці «Мова мая – мая спадчына». Адчуць прыгажосць і хараство роднай мовы прысутным дапамагло чытанне вершаў Янкі Купалы, Якуба Коласа, Рыгора Барадуліна, Максіма Танка, Пятруся Броўкі, Ніла Гілевіча і інш. Падлеткі прадэманстравалі сваё выразнае чытанне твораў беларускіх класікаў і сучасных пісьменнікаў.