Зазер’еўская сельская інтэграваная бібліятэка носіць імя паэта, драматурга, перакладчыка, заслужанага дзеяча культуры БССР, ураджэнца вёскі Лешніца Пухавіцкага раёна Алеся Бачылы. Пры бібліятэцы дзейнічае літаратурны пакой, дзе прадстаўлены цікавыя матэрыялы аб жыцці і творчасці знакамітага земляка. Штогод у сакавіку тут праводзяцца разнастайныя мерапрыемствы, прысвечаныя яго дню нараджэння.
105-гадовы юбілей пісьменніка быў адзначаны правядзеннем літаратурнага падарожжа «Радзіма мая дарагая». Падчас мерапрыемства наведвальнікі пазнаёміліся з цікавымі звесткамі біяграфіі паэта, атрымалі на памяць закладкі з вершамі знакамітага земляка.