Cёння у свеце шмат цудоўных моў. Адны з іх вабяць сваёй прыгажосцю і непаўторнасцю, другія – мілагучнасцю. Але ў кожнага чалавека ёсць толькі адна мова, якая завецца роднай. Зараз у нашым рознакаляровым і рознагалосым свеце налічваецца больш за шэсць тысяч моваў. Палова з іх пад пагрозай знікнення. Дзеля захавання моў, якія апынуліся на парозе знікнення, міжнародны фонд UNESCO абвясціў дзень роднай мовы — каб хоць у такі дзень на іх загаварылі, пра іх успомнілі. Кожны народ 21 лютага адзначае Дзень роднай мовы.
У Міжнародны дзень роднай мовы ў Пухавіцкую раённую дзіцячую бібліятэку завіталі навучэнцы 1-2-х ДУА “Сярэдняя школа №1 г. Мар’іна Горка”. Яны з вялікім задавальненням прынялі ўдзел у турніры знаўцаў беларускай мовы “Скарбы роднай мовы”. Свае веды пра родную мову дзеці паказалі ў конкурсах “Адгадайце загадкі”, “Рассыпаныя прыказкі і прымаўкі”, “Адгадайце казку па радках”. Самыя актыўныя ўдзельнікі турніра прынялі ўдзел у інсцыніроўцы народнай казкі “Рэпка”. Напрыканцы мерапрымства дзеці з вялікім задавальненням пазнаёміліся з часопісам “Вясёлка”, пачыталі беларускія казкі і паглядзелі мультфільм на беларускай мове “Ліса, мядзведзь і мужык”.