У студзені адзначыў свой 80-гадовы юбілей беларускі дзіцячы пісьменнік Мікала Чарняўскі. За гады яго пісьменніцкай працы выдадзены не адзін дзясятак кніг, у тым ліку звыш 30 кніг для дзяцей. На іх старонках – россып вясёлых, займальных і пазнавальных вершаў, паэм, казак, шарад, скорагаворак, загадак, лічылак, калыханак – амаль увесь жанравы арсенал дзіцячай паэзіі. Творы пісьменніка абуджаюць у дзяцей спачуванне, сумленнасць, дабрыню, любоў да роднага краю, садзейнічаюць фарміраванню эстэтычнага густу.
Каб засяродзіць увагу дзяцей на творчасці Мікалы Чарняўскага, у Пухавіцкай раённай дзіцячай бібліятэцы на працягу ўсяго студзеня працавала выстава-знаёмства “Вершы, напоўненыя дабрынёў”, падчас прэзентацыя якой дзеці мелі магчымасць пазнаёміцца з кнігамі юбіляра, з вялікім задавальненням чыталі вершы і адгадвалі загадкі.