Ад нашых продкаў мы атрымалі ў спадчыну шматлікія абрады, звычаі, праз якія адкрываецца свет і паўсядзённае жыцё чалавека. У наш час значна ўзмацнілася цікавасць да народнай культуры, асабліва да традыцыйных абрадаў і святаў. Народныя святы цесна пераплятаюцца і адзначаюцца з рэлігійнымі святамі. Важна не згубіць гэты здабытак, берагчы яго і перадаваць нашчадкам. Нельга забываць сваю культуру—ад гэтага залежыць будучыня нашага краю.
Для членаў літаратурна-фальклорнага клуба «Берагіня» калектыў Свіслацкай гарпасялковай бібліятэкі падрыхтавалі фальклорнае падарожжа «Бабулін куфэрак». Такі куфэрак сапраўды чароўны. У ім захоўваюцца рэчы, кожная з якіх мае сваю гісторыю, гісторыю жыцця нашых продкаў. Гэта і быт, і абрады, і народныя традыцыі. Падчас сустрэчы ўспаміналі, як святкавалі зімовыя рэлігійныя святы. Важнае значэнне мела падрыхтоўка да свята. Як гэта рабілі нашы продкі ў розных кутках Беларусі і як праходзілі святы—аб гэтым распавядалі ўдзельнікі сустрэчы. У разгар мерапрыемства ў госці да членаў клуба завітала Каляда, якая павіншавала ўсіх са святам і пажадала моцнага здароўя.
