Кожная нацыянальная літаратура мае свае славутыя постаці, якія сталі прызнанымі песнярамі свайго народа, яго гістарычнага лёсу. У беларусаў — гэта Янка Купала і Якуб Колас. 2022 год адзначаны 140-годдзем з дня нараджэння народных песняроў. Менавіта гэтаму юбілею была прысвечана літаратурна-музычная вечарына «На кожнай сцяжынцы ix песня і голас», якая прайшла у Блонскай сельскай бібліятэцы.
Праз творы Коласа і Купалы свет пазнаў жыццё беларускага народа, звычаі, гісторыю, прыгажосць беларускай прыроды. З багатай літаратурнай спадчыны народных песняроў прысутныя пачулі і прачыталі толькі некалькі вершаў — лірычныя вершы пра самыя блізкія сэрцу мясціны, вершы-летуценні, вершы, навеяныя вобразамі любых. Мелодыка вершаў гэтых паэтаў заўжды прыцягвала ўвагу беларускіх кампазітараў. У песнях вершы набылі новае жыццё і разляцеліся далёка за межы Беларусі. 3 паэзіяй Купалы і Коласа цесна звязана творчасць беларускага музычнага ансамбля «Песняры», песні ў іх выкананні сталі сапраўднымі шлягерамі. Не дзіва, што падчас вечара гучалі такія песні як «Спадчына», «Мой родны кут», «Явар і Каліна», «А яна была толькі дзяўчына», «Каханне», «Малітва» і «Лясное возера».
