З дзяцінства будучы народны паэт Беларусі бачыў жыццё простага селяніна, з яго турботамі і клопатамі. Менавіта гэта і памагло будучаму пісьменніку і паэту напісаць цікавыя творы як для дарослых, так і для дзяцей.
З вучнямі пачатковых класаў бібліятэкары Свіслацкай гарпасялковай бібліятэкі адправіліся ў літаратурна-пазнавальнае падарожжа “Казкі дзеда Якуба”. Кожная казка беларускага песняра заўсёды знаходзіць удзячнага чытача сярод дзяцей. Незвычайны інтарэс выклікалі вершы Коласа “Савось- распуснік”, “Міхасёвы прыгоды”, “На рэчцы зімой”. Дзеці самі зачытвалі ўрыўкі, якія ім больш спадабаліся. Разам успомнілі казкі Я.Коласа - “Пчала і шэршань”, “Рак- вусач”.
Кожная казка зразумелая, лёгкая па зместу, у іх шмат прыгод і незвычайных здарэнняў.
