1 верасня ў Беларусі адзначаецца Дзень ведаў, які азначае пачатак новага навучальнага года ва ўсіх адукацыйных установах. Дзень ведаў - гэта свята для першакласнікаў і выпускнікоў, для бацькоў і настаўнікаў, для ўсіх тых, хто мае дачыненне да навучання. Традыцыйна ў гэты дзень у школах праходзяць урачыстыя лінейкі, урокі ведаў, міру, бяспекі, мужнасці. Дружненская пасялковая бібліятэка таксама стала часткай гэтага свята. Для навучэнцаў СШ №1 п. Дружны была праведзена гадзіна цікавай кнігі "Прачытаць, убачыць і здзівіцца".. Мерапрыемства прайшло на вуліцы каля бібліятэкі. У першы дзень восені навучэнцам была прадстаўлена кніжная выстаўка “Чытай разам са мной”. Кнігі на лаўках былі раскладзены па тэматыцы. Прапаноўвалася прагледзець літаратуру і упадабаную кнігу можна было ўзяць дадому, папярэдне запісаўшы яе тут жа на лаўцы.