Памятаць аб мінулым - значыць яшчэ, і аддаваць даніну тым вялікім людзям, якія ўнеслі вялікі ўклад у развіццё краіны. Такімі па праву можна назваць нашых паэтаў і пісьменнікаў-класікаў, сярод якіх Янка Купала і Якуб Колас - галоўныя сімвалы беларускай літаратуры.
Напярэдадні знамянальнай падзеі, 140-годдзя з дня нараджэння Янкі Купалы, ў Дружненскай пасялковай бібліятэцы прайшла паэтычная гадзіна «Мне сняцца сны аб Беларусі». Разам з чытачамі работнікі бібліятэкі чыталі вершы народнага паэта Янкі Купалы, вядомыя з самага дзяцінства. Прагучалі таксама паэтычныя творы Міколы Аўрамчыка, Сяргея Грахоўскага, Леаніда Дайнекі і іншых паэтаў, прысвечаныя Янку Купале.