У Пухавіцкай раённай дзіцячай бібліятэцы адбылася творчая сустрэча наведвальнікаў кругласутачнога лагера СШ №4 з пісьменнікам Уладзімірам Міхайлавічам Рунцэвічам, які нарадзіўся ў вёсцы Дайнава Пухавіцкага раёна. Вызначальная якасць пісьменніка – дабрыня. Яго вершы простыя, немудрагелістыя і прывабліваюць важкасцю чалавечага вопыту, гумарам і цеплынёй.
Падчас сустрэчы Уладзімір Міхайлавіч расказваў пра сваю малую радзіму і сваё дзяцінства, аб тым, як ён знаходзіць сюжэты для сваіх твораў. Паэт пазнаёміў чытачоў са сваімі вершамі, светлымі, добрымі, прасякнутымі надзеяй і любоўю да малой Радзімы, маці, жанчыны, прыродзе.
Сустрэча з паэтам-земляком прынесла ўсім прысутным шмат станоўчых эмоцый.
