Мая Радзіма - гэта вы –
Дубровы, узгоркі і лясы,
Сцяжынкі, па якіх ступаю.
Дзе пахне спелым жытам, нівай,
Дзе я жыву душой шчаслівай...
Дзе ветрык песню ўсё спявае,
Расліны, кветкі калыхае...
Дзе дом бацькоў, дзе песня тая,
Што разам з жаўранкам лятае.
Дзе родны кут, дзе сонца ззяе…
Паэтычнымі словамі Надзеі Парчук пачалася краязнаўчая гадзіна ў Дрычынскай сельскай інтэграванай бібліятэцы. Бібліятэкар распавяла вучням 4 – 6 класаў аб гісторыі заснавання аграгарадка Дрычын і навакольных вёсак, прадэманстравала дзецям тэматычныя папкі аб родным краі, якія вядуцца ў бібліятэцы, школьнікі даведаліся аб земляках, якія праславілі свой край і пра працаўнікоў сельскагаспадарчага філіяла “Дрычын”, якія забяспечваюць людзей хлебам, малаком і іншай прадукцыяй.