Нашы продкі пакінулі нам багатую духоўную спадчыну ─ вусную народную творчасць, якую яшчэ называюць фальклорам. А гэта – казкі, песні, загадкі, прыказкі, прымаўкі, прыкметы і павер’і.
Пухавіцкая раённая дзіцячая бібліятэка запрасіла наведвальнікаў мультклуба “Вясёлая карусель” на фальклорныя пасядзелкі “Скарбы народнай мудрасці”. Спачатку дзеці пазнаёміліся з прыказкамі і прымаўкамі, а потым з вялікім задавальненнем адгадвалі загадкі. Многа жадаючых было хутка і правільна прагаварыць скорагаворку, а таксама падзяліцца сваімі прыкметамі.
У багацейшай фальклорнай скарбніцы беларусаў казкі займаюць асобае месца. Наведвальнікі мульклуба пазнаёміліся з невялічкай казкай “Добрыя памочнікі” і прынялі актыўны ўдзел у яе інсцыніроўцы.
Фальлорныя пасядзелкі закончыліся праглядам маляўнічых кніг серый “Казка за казкай” і “Мая першая кніга” – дзе весела і займальна апавядаецца пра жывёл, дрэвы і кветкі, прыродныя з’явы. Сюрпрызам для маленькіх чытачоў быў беларускамоўны мультфільм “Лагодны воўк”.