Дыскусіі і дыялогі, прысвечаныя зменам і дапаўненням Асноўнага Закона нашай краіны, працягваюцца. Артыкулы, прысвечаныя абмеркаванню праекта Канстытуцыі не сыходзяць з першых палос рэспубліканскіх і мясцовых газет, выклікаючы непадробную цікавасць у чытачоў бібліятэк.
З мэтай данесці да жыхароў інфармацыю аб новаўвядзеннях, што прапануюцца ў Асноўны Закон краіны, у Дружненскай пасялковай бібліятэцы адбыўся інфармацыйны дайджэст па старонках перыядычных выданняў. Удзельнікі мерапрыемства пагадзіліся з тым, што кожны з нас мусіць адказаць на пытанне: якім ён бачыць Беларусь? І зрабіць усё, каб гэта была паспяховая і квітнеючая краіна.