Яму было дадзена стаць паэтам, прыгожым беларускім васільком, які чыстаю красою сваіх вершаў даводзіць хараство беларускай культуры і багацце душы беларускага народа. Максім Багдановіч заўважна вылучаўся сярод пісьменнікаў паслядоўнай арыентацыяй сваёй творчасці на найлепшыя ўзоры сусветнага пісьменства, уважлівым і патрабавальным стаўленнем да друкаванага слова, нацыянальнага пісьменства.
Пра тое, чым адметныя асоба і плён паэта, чаму яго творы актуальныя і сёння, распавялі сваім чытачам бібліятэкі Пухавіччыны на мерапрыемствах, прысвечаных 130-годдзю з дня яго нараджэння.
На базе ДУА Сярэдняя школа № 2 г. Мар’іна Горка прайшла літаратурна-музычная кампазіція “І зорка гарыць, і не вяне вянок!” . Вучні падрыхтавалі цікавую прэзентацыю аб жыцці і творчасці беларускага паэта, а таксама чыталі вершы і выконвалі песні, аўтарам якіх быў Максім Багдановіч. Дадаткам к мерапрыемству стала віктарына “Светлы воблік паэта”, якую падрыхтавала і правяла галоўны бібліёграф адзела абслугоўвання і інфармацыіі ДУК “Пухавіцкая цэнтральная раённая бібліятэка” Пуціцкая Алена Леанідаўна. За кожны правільны адказ удзельнікі атрымлівалі кніжную закладку з цытатамі паэта.
На паэтычнай гадзіне “Зорка беларускай паэзіі” у Дружненскай пасялковай бібліятэцы прысутнічалі чытачы-дзеці, якія з захапленнем чыталі знакамітыя творы Максіма Багдановіча. Бібліятэкары звярнулі увагу дзяцей на факт напісання шматлікіх музычных твораў на вершы паэта, на мілагучнасць і лірызм вершаваных радкоў аўтара "Зоркі Венеры” . Напрыканцы сустрэчы дзеці разам па слупку прачыталі знакаміты твор паэта “Слуцкія ткачыхі”. І дзецям і дарослым вельмі прыемна было ў дзень нараджэння вялікага майстра паэтычнага слова дакрануцца да яго шчырых думак і згадак, да яго неўміручага таленту.
Наведвальнікі літаратурнага вечара “Дзіўная зорка Максіма Багдановіча”, які адбыўся ў Блонскай сельскай бібліятэцы, даведаліся пра трагічны лёс Максіма Багдановіча, пачулі вершы знакамітага паэта і таксама выказванні дзеячаў літаратуры і мастацтва пра яго. Напрыканцы бібліятэкар прапанавала паўдзельнічаць у конкурсе знаўцаў жыцця і творчасці Максіма Багдановіча
