На беразе ракі Свіслач, у жывапісным месцы, стаіць будынак Зазерскай бальніцы сястрынскага догляду. Тут жывуць 26 сталых людзей. “У кожнага чалавека гэтай установы свой лёс, існуюць розныя абставіны, чаму людзі жывуць тут, але работнікі з адкрытым серцам клапоцяцца аб гэтых людзях. Для кожнага находзяцца словы падтрымкі”, - гаворыць дырэктар Ганна Анатольеўна Сурвіла.
Бібліятэкар Зазер’еўскай інтэграванай бібліятэкі імя Алеся Бачылы А.Р.Ермакова раз у месяц наведвае бальніцу сястрынскага догляду. У Сусветны дзень дабрыні яна таксама там пабывала і перадала ў дар кнігі з асабістай бібліятэкі і салодкі падарунак. Мы павінны не забываць пра такіх людзей, ім вельмі патрэбна наша ўвага.