Сучасны чалавек павінен умець правільна карыстацца бібліятэкай і трэба пачынаць гэта рабіць ужо ў дзіцячым садку. Зазерьеўская сельская інтэграваная бібліятэка запрасіла вучняў 1- 4 класаў ДУА “Зазерская сярэдняя школа” на экскурсію. Бібліятэкар Алена Рыгораўна Ермакова пазнаёміла вучняў з цікавымі кніжнымі выставамі, звярнула ўвагу на правілы карыстання кнігамі, на чысціню кніг. Вучні таксама даведаліся, што ў бібліятэцы існуюць алфавітны і сістэматычны каталогі і трэба ўмець імі карыстацца, што ўсе кнігі на паліцах стаяць у алфавітным парадку. Затым вучні і настаўнікі наведалі літаратурны пакой А.Бачылы, дзе ўважліва слухалі расказ бібліятэкара пра лёс Алеся Бачылы, знакамітага пісьменніка зямляка, чыё імя носіць Зазерьеўская сельская бібліятэка. На прыканцы вучні адказалі на пытанні бібліятэкара.