Згуртаванасць і згода, талерантнасць і паразуменне, павага адзін да аднаго – каштоўнасці, да якіх імкнецца кожны чалавек. Дзеля таго, каб звацца грамадзянінам сваей краіны і сынам свайго народа, патрэбна ведаць гісторыка-культурную, этнаграфічна-фальклорную і духоўную спадчыну сваёй краіны, трэба глыбей пазнаваць сваю Радзіму і самога сябе.
Напярэдадні Дня народнага адзінства загадчыца Дружненскай пасялковай бібліятэкі Трухан Т.Р. правяла для вучняў мясцовай школы пазнавальную віктарыну “Разам мы - Беларусь”. Школьнікі пазнаёміліся з кніжнай выставай “Адзіная дзяржава, калі адзіны народ”. У ходзе мерапрыемства гаварылася пра тое, што мы, беларусы, зямля і гісторыя, жаданне жыць пад мірным небам і быць шчаслівымі аб’ядноўваюць ўсіх нас. Мы моцныя і непераможныя, калі па-сапраўднаму адзіныя!
