Янка Купала з’яўляецца адным з самых вядомых беларускіх пісьменнікаў. Яго творы ведаюць не толькі ў нашай краіне, але і ў многіх замежных краінах. Прырода надзяліла паэта магутным талентам, каб ён мог словам вучыць любіць свой край, сваю мову.
Дом Янкі Купалы заўсёды звінеў ад вясёлых дзіцячых галасоў. Але ён не толькі сябраваў з імі. Янка Купала пісаў для іх вершы і ставіўся да гэтай справы вельмі сур’ёзна.
Для чытачоў Пухавіцкай раённай дзіцячай бібліятэцы была падрыхтавана кніжная выстава-дыялог “Янка Купала – сябра дзяцей”, дзякуючы якой яны змаглі здзейсніць падарожжа па творчасці пісьменніка. Дзеці пазнаёміліся з гісторыяй яго сям’і, дзяцінствам і захапленнямі. А потым з вялікім задавальненням знаёміліся з вершамі, якія ён напісаў менавіта для іх – дзяцей, бо дзіцячага чытача пісьменнік вельмі цаніў і паважаў. Хлопчыкі і дзяўчынкі яшчэ раз чыталі ўслых вершы “Хлопчык і лётчык”, “Юрачка”, “Летам”, знаёмічыся з творчасцю вялікага песняра.