Песню родную зацягнеш,
Хто пачуе, хто?
Там любіць свой край прысягнеш
Лепей, як жыццё.
Янка Купала - класік беларускай літаратуры. Заслужана. Неаспрэчна. Класікамі становяцца звычайна тыя мастакі, якія ўзнімаюць своечасова вострыя пытанні, актыўна заступаюцца за свой народ і за ўсё чалавецтва, у трывожныя, навальнічныя гады застаюцца непахіснымі змагарамі за Радзіму. Класікі - гэта прарокі нацыі, якія вядуць за сабой народ. Так, як вёў яго наш Янка Купала.
У дзень нараджэння вялікага беларускага Песняра ў межах рэспубликанскай акцыі ў Рудзенскай дзіцячай бібліятэцы гучалі яго вершы “Мая малітва”, “Жняя”, “Па шляху” і іншыя, а таксама ўрыўкі з паэм “Курган”, “Адплата кахання”, “Магіла льва” і інш.
Кожны чытач выбраў той твор, які яму спадабаўся, і яшчэ раз упэуніўся ў прыгажосці нашай роднай беларускай мовы.