У любую пару года,
У пагоду, непагоду
Слухай родную прыроду –
Ты пачуеш галасы таямнічае красы.
Прырода нашай Беларусі прыцягвае да сябе непаўторным хараством і разнастайнасцю. Раслінны і жывёльны свет багаты, цікавы і своеасаблівы. У гэтым пераканаліся члены дзіцячага клуба «Парасонік» Свіслацкай гарпасялковай бібліятэкі падчас экалагічага круіза «Жменька промняў на чыстай зямлі». Дапамаглі ў гэтым творы Уладзіміра Ягоўдзіка і Алеся Бадака. А пачалося цікавае падарожжа з прагляду і абмеркавання «Дзіцячага атласа Беларусі». Гэта выданне распавядае сваім чытачам аб раслінным і жывёльным свеце па абласцях нашай краіны. Напрыканцы мерапрыемства ўдзельнікі зрабілі выснову: прырода - наша вялікае багацце, якое трэба шанаваць і берагчы.
