Сёлета споўнілася 35 гадоў з дня аварыі на Чарнобыльскай атамнай электрастанцыі – самай найбуйнейшай за ўсю гісторыю чалавецтва якая закранула лёсы мільёнаў людзей.
Каб вярнуцца да падзей тых гадоў, навучыць успрымаць чужую бяду як сваю ўласную, выхаваць адказнасць за ўсё, што адбываецца вакол у Пухавіцкай дзіцячай раённай бібліятэцы была аформлена кніжная выстава “Парушаная плынь жыцця: Чарнобыль”. На сённяшні дзень існуе мноства кніг пра Чарнобыль, Прыпяць і аварыю на ЧАЭС. Пісьменнікі не засталіся ў баку, ствараючы мастацкія раманы, навукова-папулярныя працы, аб самай буйной тэхнагеннай катастрофе за ўсю гісторыю чалавецтва. Аб гэтым сведчаць творы М. Танка, М. Мяцельскага, П. Панчанка, Р. Барадуліна, С. Грахоўскага, І. Шамякіна, В. Быкава, І. Пташнікава, А. Рэзановіча. Каля тэматычнай выставы бібліятэкар дзіцячай бібліятэкі праводзіла інфармацыйную гутарку, падчас якой звяртала ўвагу на ліквідатараў аварыі, на подзвіг пажарнікаў, якія апынуліся на месцы аварыі першымі, рэкамендавала кнігі для чытання. Для таго каб Чарнобыль з яго трагедыяй сапраўды назаўжды застаўся б у мінулым, ёсць адзін адзіны выхад: памятаць пра яго пастаянна.
