Aдрес: 222811, Минская область,
г. Марьина Горка, ул. Ленинская, 47

Телефон: +375 (1713) 3-51-66

Факс: +375 (1713) 3-45-60

E-mail: isp@pukhovichi.gov.by 
(для деловой переписки)

27.05.2020

Жывёлу — у поле. У раёне пачаўся пашавы перыяд

Жывёлавод Анатоль Зубок.

У сельгасарганізацыях пачаўся пашавы перыяд. Як вядома, летнія месяцы — гэта час атрымання вялікага малака. І жывёлаводы імкнуцца скарыстаць яго з найбольшай аддачай.
У ААТ «Аграсімвал» буйную рагатую жывёлу пачалі выганяць на пашу ў канцы красавіка паступова, каб яна прывыкала да новых умоў утрымання.

— Адаптацыя прайшла нядрэнна, — лічыць галоўны заатэхнік ААТ «Аграсімвал» Кацярына Уласень. — Трохі зменшыліся надоі толькі ў першы дзень, а затым пачалі атрымліваць прыбаўку. Галоўнае — выконваць тэхналогію пасьбы. Адной карове трэба з’ядаць не менш за 60 кілаграмаў зялёнай масы ў дзень. На пашы абавязкова ёсць соль, вада. Выпасаюць жывёлу на пашы з разнатраўя, ураджайнасць якога каля 60 цэнтнераў з гектара.

На летне-пашавым утрыманні зараз у гаспадарцы 800 галоў буйной рагатай жывёлы з МТК «Бор» і 200 з малочнатаварнай фермы «Гарэлец».

У гаспадарцы пачалі падкошваць азімую свірэпіцу, пад якую адвялі 52 гектара. Гэтая культура выдатна падыходзіць у якасці першага зялёнага корму. Перавагі яе жывёлаводы ўжо ацанілі: выкарыстоўваюць на зялёны корм цялушкам і дойнаму статку, які знаходзіцца на круглагадовым утрыманні на ДМБ «Бор», цялятам на дарошчванні. Гэта бялковая культура дае значную прыбаўку малака. Напрыклад, дойным каровам яе даюць з разліку 25 кілаграмаў на ўмоўную галаву. У кармушку трапляюць таксама сілас, салома, шроты і мука. Цялушкам дадаюць сянаж і салому, цялятам яшчэ камбікорм КР-2 і муку ўласнага памолу. Такое разнастайнае меню, вядома, дае аддачу не толькі ў атрыманні малака, але і ў прывагах жывёлы.
Акрамя таго, у летне-пашавы перыяд жывёла атрымлівае вітамін Д, вельмі неабходны для ўмацавання фізічнага стану.

— З пачатку года вытворчасць малака па нашай гаспадарцы складае 107 працэнтаў да адпаведнага перыяду мінулага года, — расказвае Кацярына Мікалаеўна. — Сёння ў сельгасарганізацыі дояць па 12,5 кілаграма малака на ўмоўную галаву, а ў мінулым годзе толькі 11 кілаграмаў. Трэба адзначыць, што сёлета ў гаспадарцы павялічылася і пагалоўе буйной рагатай жывёлы.
Анастасія ПЛЯТНЁВА.

Прочитано 180 раз

© Пуховичский районный исполнительный комитет, 2008-2020
Увидели ошибку на сайте?
Пожалуйста, выделите текст с ошибкой
и нажмите ctrl + enter

Яндекс.Метрика
Разработка и поддержка сайта:
Группа компаний «ЦВР «ОКТЯБРЬСКИЙ»